ფოთისა და ზუგდიდის შესასვლელებთან არსებულ ბლოკ-პოსტებს ხვალიდან თავდაცვის ძალები დაემატება. ამის შესახებ სამეგრელო-ზემო სვანეთის გუბერნატორმა ალექსანდრე მოწერელიამ ჟურნალისტებს განუცხადა. მხარის რწმუნებულის თქმით, თავდაცვის ძალები, შესაძლოა, აბაშაშიც დაამატონ.
„ხვალიდან თავდაცვის ძალებიც შეუერთდებიან პოლიციას. ეს ბლოკ პოსტები განთავსდება ფოთის შემოსასვლელ-გასასვლელთან, თუმცა საპოლიციო ახლაც არის, მაგრამ ბარიერები იქნება შესაბამისად მოწყობილი. ასევე ზუგდიდის შემოსასვლელში. სავარაუდოდ, აბაშასაც დავამატებთ. იქ პოლიცია, არის მაგრამ მოვილაპარაკებთ და შესაძლოა, თავდაცვის ძალები დავამატოთ. თერმოსქრინინგის საკითხი, შესათანხმებელია ჯანდაცვასთან. დამატებითი ძალების მობილიზების აუცილებლობა არ არის.
ხვალ ცხრა საათის შემდეგ ჩვენს მოქალქეებს არ ექნებათ აუცილებლობა გამოვიდნენ გარეთ, მხოლოდ იმუშავებს აფთიაქი. ალბათ, ცნობილია თქვენთვის და ყველასთვის, რომ აფთიაქში წასასვლელად ჩვენს მოქალაქეებს უნდა ჰქონდეთ პირადობის მოწმობა. შესაბამისად, 70 წელს გადაცილებულ ჩვენს მოქალქეებს თუ კი დასჭირდებათ მომსახურება, უზრუნველყოფს მუნიციპალიტეტი. ცხელი ხაზი მუშაობს, როგორც რესპუბლიკაში ასევე ჩვენთან. ამდენად, კოორდინაციის პრობლემა არ არის“, - განაცხადა ალექსანდრე მოწერელიამ.