ნიუ-იორკში პაციენტებს 1000 საწოლიან გემ-ჰოსპიტალზე უმკურნალებენ

ნიუ-იორკში აშშ-ის საზღვაო ძალების 1000 საწოლიანი გემი-ჰოსპიტალი ჩავიდა, - ამის შესახებ ინფორმაციას „როიტერსი“ ავრცელებს.

სააგენტოს ცნობით, გემ „Comfort“-ზე არა კორონავირუსით დაინფიცირებულ, არამედ სხვა პაციენტებს უმკურნალებენ, რომლებიც ქირურგიულ ოპერაციას ან გადაუდებელ მკურნალობას საჭიროებენ, რაც კორონავირუსის წინააღმდეგ ბრძოლისთვის საჭირო რესურსების გამოთავისუფლებას შეუწყობს ხელს.

ნიუ-იორკის მერმა ბილ დე ბლასიომ გემი-ჰოსპიტალის ქალაქში შესვლა დადებითად შეაფასა და აღნიშნა, რომ კორონავირუსის წინააღმდეგ ბრძოლაში ყველა უნდა გაერთიანდეს.

„ომის ატმოსფეროა და ყველამ ერთად უნდა ვიმოქმედოთ,“- განაცხადა ბილ დე ბლასიომ.

შეგახსენებთ, რომ აშშ კორონავირუსით დაინფიცირებულთა რაოდენობით მსოფლიოში პირველ ადგილზეა. ბოლო მონაცემებით, ქვეყანაში დადასატურებული შემთხვევების რაოდენობამ 163 000-ს გადააჭარბა, დაღუპულია 3 017 ადამიანი.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა