ბათუმში, კორონავირუსით ინფიცირებული ექთანი თავს კარგად გრძნობს, - ამის შესახებ კლინიკა „მედალფაში“ განაცხადეს.

მათივე ინფორმაციით, ექთანს ტემპერატურის უმნიშვნელო მატება აღენიშნება. იგი ბათუმის ინფექციური საავადმყოფოს თანამშრომელია, მკურნალობას კი კლინიკა „მედალფაში" გადის. საერთო ჯამში, კლინიკა „მედალფაში" 8 ინფიცირებული პირია მოთავსებული.

ექიმების ინფორმაციით, მათ შორის 70 წლის მამაკაცის ჯანმრთელობის მდგომარეობა მძიმეა. ასევე 60 წლის ინფიცირებული ქალის ჯანმრთელობის მდგომარეობა საშუალო სიმძიმისაა. მას ორმხრივი პნევმონია აქვს. ორივე მოქალაქეს მოგზაურობის ისტორია აქვთ. დანარჩენის მდგომარეობა კი დამაკმაყოფილებელია.

აჭარაში 12 საკარანტინო სივრცეა გახსნილი, სადაც 2000-მდე პირია მოთავსებული.