თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კორონავირუსით ინფიცირებული ორსული ქალის მდგომარეობა მკვეთრად დადებითია.
რატიანის თქმით, ბოლო 24 საათის განმავლობაში პაციენტს ტემპერატურის მატება არ ჰქონია.
„ორსული ქალბატონის მდგომარეობა მკვეთრად დადებითია. ბოლო 24 საათი ცხელება არ ჰქონია, ვირუსისათვის დამახასიათებელი სიმპტომატიკა არ ვლინდება. ყოველდღიურად ხდება ნაყოფის მონიტორინგი და ის შეესაბამება ფიზიოლოგიურ მდგომარეობას. აღნიშნულიდან გამომდინარე, დიდი იმედი გვაქვს, რომ რამდენიმე დღეში ეს პაციენტი გამოჯანმრთელებული დატოვებს კლინიკას.
ცნობისთვის, ამ დროისთვის საქართველოში კორონავირუსით დაინფიცირების 108 შემთხვევა ფიქსირდება, საიდანაც 21 ადამიანი გამოჯანმრთელებულია.