ფოთში საქართველოში დამზადებული პირბადეების დარიგება მიმდინარეობს

ეკონომიკისა და მდგრადი განვითარების სამინისტროს ორგანიზებით,ფოთში საქართველოში დამზადებული მრავალჯერადი გამოყენების პირბადეების დარიგება მიმდინარეობს. როგორც „ინტერპრესნიუსს“ ქალაქ ფოთის მუნიციპალიტეტის მერიიდან აცნობეს, პირბადეების დარიგება დაიწყო იმ პრიორიტეტების მიხედვით, სადაც სხვადასხვა რისკებიდან გამომდინარე, უსაფრთხოების დაცვა განსაკუთრებით მნიშვნელოვანია.

მათი ცნობით, ამ კატეგორიაში არიან ის საჯარო მოხელეები, რომლებიც საკარანტინო ზონებთან არიან შეხებაში, პოლიციელები, მებაჟეები,ბენზიგასამართი სადგურის,საბანკო სექტორის წარმომადგენლები, სხვადასხვა კატეგორია, რომლებიც არსებული საფრთხეების მიუხედავად, ემსახურებიან მოსახლეობას.

„ქართული წარმოების პირბადეები დაურიგდებათ არამხოლოდ დიდ სასურსათო მაღაზიებს, არამედ მცირე საუბნო მარკეტებსაც. აღნიშნული დეფიციტური პროდუქტი საქართველოში დაავადებათა კონტროლის ცენტრისა და ლუგარის ლაბორატორიის მიერ დამტკიცებული სტანდარტებითაა დამზადებული. პირბადეები დოლბანდისგანაა შეკერილი და მათი გამოყენება პოლიპროპილენის პირბადეებისგან განსხვავებით, საყოფაცხოვრებო პირობებში მრავალჯერ შეიძლება. პირბადეები სახელმწიფო პროგრამის „აწარმოე საქართველოში“ ფარგლებში აჭარა ტექსტილში შეიკერა. დარიგებულია პირბადეები იმათთვის, ვისაც ეს გადაუდებელი აუცილებლობით სჭირდება. ესენია: მედიკოსები, მოხალისეები, პოლიცია“,-აღნიშნულია ინფორმაციაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს