თელავის მუნიციპალიტეტის მასშტაბით არსებულ საბავშვო ბაღებში სასურსათო კალათების დარიგება დაიწყო.
როგორც „ინტერპრესნიუსს“ თელავის მერიიდან აცნობეს, პროცესს ადგილზე გაეცნო თელავის მუნიციპალიტეტის მერი შოთა ნარეკლიშვილი. მუნიციპალიტეტის მასშტაბით, სასურსათო კალათი საბავშვო ბაღების 3 146 აღსაზრდელს გადაეცემა. კალათში პირველადი მოხმარების არამალფუჭებადი პროდუქტებია მოთავსებული.