სხვადასხვა სამუშაოების ჩატარების გამო, 2 აპრილს ელექტრომომარაგება დროებით შეიზღუდება. ამის შესახებ „ინტერპრესნიუსს“ კომპანია „თელასიდან“ აცნობეს.

მათივე ინფორმაციით, საბურთალოს რაიონში გადაუდებელი სამუშაოების გამო, 10 საათიდან 18 საათამდე, შეზღუდვა შეეხება გაზაფხულის და ნადარეიშვილის ქუჩების მცხოვრებლებს.

გლდანის რაიონში ქსელზე ახალი აბონენტების მიერთების გამო, 11 საათიდან 16 საათამდე, შეზღუდვა შეეხება მუხიანის I მიკრორაიონის მცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.