რაჭა-ლეჩხუმ ქვემო სვანეთში სახელმწიფო რწმუნებული არჩილ ჯაფარიძე და რწმუნებულის პირველი მოადგილე დავით ღუდუმიძე ცაგერისა და ონის მუნიციპალიტეტებში, მერებთან ერთად სამშენებელო სექტორის წარმომადგენლებს შეხვდნენ და ახალ კორონავირუსთან დაკავშირებული ზოგადი და კონკრეტულად მშენებლებისთვის გაწერილი რეკომენდაციები გააცნეს.
როგორც “ინტერპრესნიუსს” რაჭა-ლეჩხუმ, ქვემო სვანეთის გუბერნიიდან აცნობეს, ხელმძღვანელებმა ტენდერში გამარჯვებული კომპანიების წარმომადგენლებისგან მოისმინეს ინფორმაციები, თუ რა პირობებში და როგორ შეუძლიათ განაგრძონ ინფრასტრუქტურული სამუშაოების განხორციელება.
უწყების ცნობითვე, როგორც არჩილ ჯაფარიძემ აღნიშნა, პირადად შეხვდება ყველა წარმომადგენელს, ვინც რეგიონში საქმიანობს, სამუშაოებს კი, გააგრძელებენ მხოლოდ ის კომპანიები, რომლებიც სრულად დაიცავენ ყველა წესსა და რეკომენდაციას და საფრთხეს არ შეუქმნიან თავიანთი თანამშრომლების და სხვების ჯანმრთელობას.