კორონავირუსის გავრცელების პრევენციული ღონისძიებები ახალციხის მუნიციპალიტეტში აქტიურად გრძელდება.

როგორც „ინტერპრესნიუსს“ მუნიციპალიტეტიდან აცნობეს, სახელმწიფო რწმუნებულის პირველმა მოადგილემ შალვა ბერძენიშვილმა და ახალციხის მუნიციპალიტეტის მერმა ზაზა მელიქიძემ მოადგილეებთან ერთად ქალაქის მასშტაბით არსებული დიდი სუპერმარკეტები დაათვალიერეს და იქ არსებულ მდგომარეობას გაეცნენ.

მათივე ცნობით, სამხარეო და ადგილობრივი ხელისუფლების წარმომადგენლებმა სუპერმარკეტებში დასაქმებულ პერსონალს და „ალფა მარკეტის“ მოვაჭრეებს კორონავირუსთან დაკავშირებით, ჯანდაცვის სამინისტროს რეკომენდაციების გათვალისწინებისკენ მოუწოდეს და საჩუქრად საქართველოში წარმოებული მრავალჯერადი გამოყენების პირბადეები გადასცეს.