ოზურგეთის მუნიციპალიტეტის საკრებულოს სხდომა კორონავირუსის გავრცელების პრევენციის მიზნით ფოლკლორის ცენტრში გაიმართა

ოზურგეთის მუნიციპალიტეტის საკრებულოს სხდომა ახალი კორონავირუსის პრევენციის მიზნით ფოლკლორის ცენტრში გაიმართა. ოზურგეთის საკრებულოს თავმჯდომარის, დავით დარჩიას თქმით, სხდომა გადაუდებელი აუცილებლობის გამო ჩატარდა. მისივე თქმით, საკრებულოს წევრებს შორის დისტანცია და სხვა უსაფრთხოების ზომები დაცული იყო.

„საკრებულოს სხდომა ფოლკლორის ცენტრში შედგა, რათა მაქსიმალურად ყოფილიყო დაცული დისტანცირება და სხვა უსაფრთხოების ზომები. მნიშვნელოვანია, ამ რთულ პერიოდში არ შეფერხდეს მუნიციპალიტეტის მუშაობა. დღეს საკრებულომ ბიუჯეტის ცვლილება დაამტკიცა, 11 მილიონ ლარამდე ინფრასტრუქტურის მშენებლობას მოხმარდება. პარალელურად, აუცილებელია ყველა იმ რეკომენდაციის დაცვა, რაც საქართველოს მთავრობის მიერ გაცხადდა. საკრებულოს წევრებს კი გვმართებს ორმაგი პასუხისმგებლობა მოქალაქეთა წინაშე, ამიტომ მოგიწოდებთ, მაქსიმალური ყურადღება გამოიჩინოთ, თავადვე გავხდეთ მაგალითები სოლიდარობის და მოქალაქეობრივი პასუხისმგებლობის. ხელისუფლება მაქსიმალურს აკეთებს, რათა წარმატებით დავძლიოთ ეს გამოწვევა. მადლობა ჩვენს მედიკოსებს, ისინი ნამდვილად გმირები არიან“, – განაცხადა ოზურგეთის საკრებულოს თავმჯდომარემ, დავით დარჩიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა