გორში მოწყობილ 5 საგუშაგოზე დღის განმავლობაში 3000-მდე მოქალაქე გადამოწმდა, რეგიონში დარღვევის 6 ფაქტი გამოვლინდა

საგანგებო მდგომარეობის გამკაცრებული პირობების და ადმინისტრაციული საზღვრების კონტროლის ფარგლებში, გორის ყველა შესასვლელში მოწყობილ საგუშაგოებზე უწყვეტ რეჟიმში გრძელდება პოლიციისა და თავდაცვის ძალების მხრიდან მოქალაქეების გადამოწმება. საველე სამედიცინო პუნქტებში მიმდინარეობს გამვლელების თერმოსკრინინგიც.

შიდა ქართლში მოქმედი საგანგებო საოპერაციო შტაბის ხელმძღვანელის, მხარის გუბერნატორის ინფორმაციით, გორში მოწყობილ 5 საგუშაგოზე დღის განმავლობაში 3000-მდე მოქალაქე გადამოწმდა, მთლიანად, რეგიონში კი დარღვევის 6 ფაქტი გამოვლინდა.

,,გორის მუნიციპალიტეტის ხუთივე გამშვებ პუნქტზე, დილიდან ამ დრომდე, დაახლოებით 3000-მდე ადამიანი გადამოწმდა. სამედიცინო კუთხით რაიმე გართულებული შემთხვევა ამ დროისთვის არ ფიქსირდება, რაც შეეხება სამართალდარღვევებს, რეგიონის მასშტაბით გვქონდა 6 ადამიანის დაჯარიმების შემთხვევა, მათგან იყო თვითიზოლაციის წესების დარღვევა, ასევე, დადგენილი წესების დარღვევის ფაქტი ტაქსის მძღოლის მხრიდან, რომელმაც არ გაითვალისწინა მოქმედი რეგულაციები. ყველა შემთხვევაში, დამრღვევი პირები დაექვემდებარნენ დაჯარიმებას.

სხვა მხრივ კი, მისასალმებელია, რომ საზოგადოება აბსოლუტურად გაგებით ეკიდება აღნიშნულ შეზღუდვებს და ვფიქრობ, რომ ასეთი პრევენციული ღონისძიებებით მაქსიმალურად ავიცილებთ თავიდან ვირუსის გავრცელებას”, - განაცხადა გიგი ხოჯევანიშვილმა.

სტაციონარული საგუშაგოების პარალელურად, რეგიონის სხვა მუნიციპალიტეტების ტერიტორიაზე, პოლიცია მობილური ჯგუფების მეშვეობით ახორციელებს კონტროლს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ბაქოში ევროპის ჩემპიონატის თასი ჩაიტანეს