"ჯორჯიან ეარვეისის" ჩარტერული რეისით ამსტერდამიდან თბილისში საქართველოს 180 მოქალაქე ჩამოფრინდა

"ჯორჯიან ეარვეისის" ჩარტერული რეისით საქართველოში 180 მოქალაქე ჩამოფრინდა. როგორც "ჯორჯიან ეარვეისის" გენერალურმა დირექტორმა, რომან ბოკერიამ "ინტერპრესნიუსს" განუცხადა, ჩარტერული რეისი თბილისი-ამსტერდამი-თბილისი თბილისის საერთაშორისო აეროპორტში 1 საათის დაგვიანებით, 20:30 საათზე ჩამოფრინდა.

ცნობისთვის, საქართველოს მოქალაქეების სხვადასხვა ქვეყნებიდან დასაბრუნებლად ჩარტერულ რეისები სრულდება. 23 მარტს განხორციელდა ბერლინი-თბილისის, 24 მარტს - ათენი-თბილისის, 26 მარტს ვენა-თბილისის, 28 მარტს - ვარშავა-თბილისის რეისი.

დაგეგმილია შემდეგი სპეც რეისები: 3 აპრილი - ბერლინი-თბილისი - Georgian Airways, ასევე 3 აპრილი - ვარშავა-თბილისი - LOT Polish Airlines, 4 აპრილი -ლონდონი-თბილისი - Georgian Airways (კომპანიის გეგმიური რეისი), 7 აპრილი -ათენი-თბილისი - Georgian Airways, 10 აპრილი -ლარნაკა-თბილისი - Georgian Airways.

საქართველოს პრემიერ-მინისტრთან არსებული საკოორდინაციო საბჭოს გადაწყვეტილებით და პრემიერ-მინისტრის მითითებით, საბჭოს მიერ განსაზღვრულ ავიარეისებზე სამგზავრო ბილეთის ფასი არ უნდა აღემატებოდეს 199 ევროს. ამასთან, საქართველოში ჩამოსული ყველა მგზავრი ექვემდებარება 14 დღიან სავალდებულო კარანტინს.

იხილეთ ვიდეო

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს