კახეთის საკარანტინე ზონიდან ორი პირი სავადმყოფოშია მოთავსებული. შუახნის მამაკაცები დღის პირველ ნახევარში ცხელებით და სხვა საეჭვო სიმპტომებით თელავის რეფერალურ სავადმყოფოში გადაიყვანეს.

კლინიკის დირექტორის ხათუნა ჭონიაშვილის ინფორმაციით, პაციენტების მდგომარეობა ამ ეტაპზე დამაკმაყოფილებელია, თუმცა მათი სამოგზაურო ისტორიიდან გამომდინარე, სავარაუდოდ, ხვალ დილით კორონავირუსზე აღებული ანალიზები თბილისში გადაიგზავნება, რის შემდეგაც გახდება ცნობილი ორივე მამაკაცის დიაგნოზის ლაბორატორიული პასუხი.

კახეთის მასშტაბით, სამ მუნიციპალიტეტში 9 საკარანტინო ზონაა მოწყობილი.