თელავის რეფერალურ საავადმყოფოში ვირუსის სიმპტომებით სამი პაციენტი მოათავსეს, რომელსაც მოგზაურობის ისტორია აქვს

ბოლო 24 საათის განმავლობაში თელავის რეფერალური საავადმყოფოს ინფექციურ-ბოქსირებულ განყოფილებაში სამი პაციენტი მოათავსეს. სამივე მათგანს რისკ ჯგუფის ქვეყანაში მოგზაურობის ისტორია აქვს.

აქედან, ორი შუახნის მამაკაცი კლინიკაში საკარანტინე სივრციდან, ხოლო ერთი ქალი საკუთარი სახლიდან გადაიყვანეს.

კლინიკის დირექტორის განმარტებით, მათ აღენიშნებათ ცხელება, რის გამოც ანალიზები ჩაუტარეს და ლუგარის ლაბორატორიაში გადაგზავნეს.

ხათუნა ჭონიაშვილის თქმითვე, აქვთ თუ არა პაციენტებს ახალი კორონავირუსი, სავარაუდოდ, დღის ბოლოს გახდება ცნობილი.

"გუშინ დღის პირველ ნახევარში შემოიყვანეს ორი მამაკაცი საკარანტინე სივრციდან. მათ აღენიშნებათ ცხელება და მოთავსდნენ ბოქსირებულ განყოფილებაში. ასევე გვიან შემოიყვანეს ერთი ქალბატონი ბინიდან, რომელსაც მამაკაცების მსგავსად, უცხო ქვეყანაში მოგზაურობის ისტორია აქვს. ყველას შემთხვევაში აღებულია ანალიზები და გადაიგზავნა ლუგარის ლაბორატორიაში. ამ ეტაპზე მათი მდგომარეობა დამაკმაყოფილებელია და კორონავირუსის სხვა დამახასიათებელი რეაქცია არ იკვეთება“, - განაცხადა ხათუნა ჭონიაშვილმა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა