თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკაში კორონავირუსის ინფექციით მოთავსებული სამი პაციენტის: 62, 79 და 80 წლის პაციენტების მდგომარეობა დამაკმაყოფილებელია. ამის შესახებ ჟურნალისტებს კლინიკის დირექტორმა, ლევან რატიანმა განუცხადა.
„იცით, რომ რეანიმაციაში გვყავდა 2 ინფიცირებული პაციენტი. ერთი ინფიცირებული მარნეულის კლასტერიდან დაემატა. ქალბატონი არის 79 წლის. ჩატარდა ყველა ღონისძიება, ამ ეტაპზე მისი მდგომარეობა სტაბილურია. ჰემოდინამიკა აღდგენილია, იმყოფება რეანიმატოლოგებისა და ინფექციონისტების მეთვალყურეობის ქვეშ.
რაც შეეხება ასევე მძიმე პაციენტს,რომელიც არის 62 წლის , ანამნეზში ამ ქალბატონსაც ჰქონდა შაქრიანი დიაბეტი, უმართავი არტერიული ჰიპერტენზია, უმართავი გულის უკმარისობა და ექიმთან მიმართვიანობის დაგვიანებული შემთხვევა იყო. ეს პაციენტიც იცით,რომ ჩვენ კლინიკაში გადმოყვანილი იყო მწვავე რესპირატორული დისტრესსინდრომით. ამ ეტაპზე პაცენტის ზოგადი მდგომარეობა მკვეთდრად გააუმჯობესებულია.
რაც შეეხება პაციენტს, რომელიც 80 წლისაა , რომელიც ასევე მაღალი ლეტალობის ინდექსს მიეკუთვნებოდა, ამ ეტაპზე, ამ პაციენტის მდგომარეობა ჩატარებული მკურნალობის შედეგად მკვეთრად დადებითია და დინამიკაში გაუმჯობესებას ველოდებით“, - განაცხადა ლევან რატიანმა.