შს მინისტრი - დანაშაული მომატებული არ არის, კრიმინალი დაკლებულია

შინაგან საქმეთა მინისტრის, ვახტანგ გომელაურის განცხადებით, სტატისტიკური მაჩვენებლით, ქვეყანაში კრიმინალის შემთხვევები ბევრად დაკლებულია, „იქიდან გამომდინარე, რომ დღეს, სამჯერ მეტი პოლიციელია გამოსული“.

„ინტერპრესნიუსის“ კითხვაზე, იმ ფონზე, როცა ათეულობით ადამიანმა სამსახური დაკარგა, ხომ არ ფიქსირდება მოროდიორობის შემთხვევები, შს მინისტრმა უპასუხა, რომ კრიმინალური ფაქტები მომატებული არ არის.

„არავითარი მომატებული არ არის. ეს არის ცრუ ინფორმაციები. იყო ერთეული შემთხვევები. სტატისტიკით რიცხვები ბევრად დაკლებულია, ბევრად დაბალია, იქიდან გამომდინარე, რომ დღეს სამჯერ მეტი პოლიციელია გამოსული. ვთქვათ, თუ იყო 10 პოლიციელი ერთ ობიექტზე, დღეს 30 პოლიციელი დგას, ამიტომ დაკლებულია კრიმინალი“, - განაცხადა გომელაურმა.

ჟურნალისტის რეპლიკაზე, რომ წითელ ზონად გამოცხადებულ მარნეულში კრიმინალის არა ერთი შემთხვევა დაფიქსირდა, გომელაურმა უპასუხა, რომ „ყველაფერი შეიძლება მოხდეს“.

„შეიძლება მოხდეს მარნეულშიც, გორშიც და თბილისშიც. ხდება, თუმცა რომ ხდებოდა 10, დღეს ხდება 3-4 შემთხვევა“, - აღნიშნა მან.

ამასთან, ვახტანგ გომელაურის თქმით, პოლიციელთა ადამიანური რესურსი საკმარისია.

„საკმარისია. ჯერჯერობით (დამატებითი) რესურსი არ სჭირდება. თუმცა, რეზერვები ჩვენც გვაქვს და აქვს თავდაცვასაც. მთლიანად, მმართველი გუნდი პარლამენტთან ერთად მუშაობს და ყველა ვართ ჩართული“, - განაცხადა გომელაურმა.

იხილეთ ვიდეო

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა