ზუგდიდის გამშვებ პუნქტზე თავდაცვის ძალები სამართალდამცავებთან ერთად კოორდინირებულად მოქმედებს

მოქალაქეთა გადაადგილების კონტროლისა და მათი ჯანმრთელობის მდგომარეობის შემოწმების მიზნით, ზუგდიდში შესასვლელ ძირითად საკონტროლო გამშვებ პუნქტთან თავდაცვის ძალები, შინაგან საქმეთა სამინისტროსთან ერთად კოორდინირებულად მოქმედებს.

როგორც „ინტერპრესნიუსს“ თავდაცვის სამინისტროდან აცნობეს, II ქვეითი ბრიგადის სამხედროები, სამართალდამცავებთან ერთად, ზუგდიდის შესასვლელთან მდებარე გამშვებ პუნქტთან, მითითებულ ადგილებზე ყველა სატრანსპორტო საშუალებას აჩერებენ და შესაბამის ღონისძიებებს ერთობლივად ახორციელებენ.

„საგანგებო მდგომარეობის გამკაცრებული პირობებიდან გამომდინარე, შინაგან საქმეთა სამინისტროს ძალების მხარდაჭერის მიზნით, თავდაცვის ძალების წარმომადგენლები ზუგდიდის საკონტროლო გამშვებ პუნქტზე მოსახლეობის გამოკითხვას აწარმოებენ, ქალაქში შემსვლელ და გამომსვლელ ყველა პირს პირველად თერმოსკრინინგს უტარებენ და სიმპტომებიდან გამომდინარე, საჭიროების შემთხვევაში, ინფორმაციას დასავლეთ სარდლობის მართვის ცენტრსა და სასწრაფო სამედიცინო დახმარების ცენტრს აწვდიან. სწრაფი რეაგირების „რქბ“ ჯგუფის მიერ კი, საგუშაგოზე რეგულარულად მიმდინარეობს ყველა სატრანსპორტო საშუალების დეზინფექცია სპეციალური ხსნარებით”, - ნათქვამია ინფორმაციაში.

იხილეთ ვიდეო

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს