ალექსანდრე მოწერელია - მადლობა მოქალაქეებს, რომ პასუხისმგებლობით ეკიდებიან შექმნილ მდგომარეობას

სამეგრელო-ზემო სვანეთის სახელმწიფო რწუნებული ალექსანდრე მოწერელია ფოთის ადგილობრივი ხელისუფლების წარმომადგენლებთან ერთად ქალაქის ორივე შემოსასვლელში განთავსებული საკონტროლო პუნქტების ფუნქციონირებას გაეცნო. ამის შესახებ „ინტერპრესნიუსს“ სამეგრელო-ზემო სვანეთის გუბერნატორის ადმინისტრაციიდან აცნობეს.

სახელმწიფო რწმუნებულის განცხადებით, ბლოკ-პოსტები კარგად ართმევენ თავს დაკისრებულ მოვალეობებს და COVID-19-ის შემდგომი გავრცელების პრევენციისათვის მათ ფუნქციონირებას დიდი მნიშვნელობა აქვს, რადგან ადრეულ ეტაპზევე ხდება საეჭვო პაციენტების იდენტიფიცირება და იზოლაცია.

,,ჩამოსვლის მიზანია, გავცნობოდი მდგომარეობას ადგილზე, გავცნობოდი იმ საჭიროებებს, რა საჭიროებებიც შეიძლება ჰქონდეს ჩვენს სამართალდამცავებს. ასევე, ჩვენს მოქალაქეებს, რომლებსაც მინდა ერთგვარად ბოდიშიც მოვუხადო, შეფერხება რომ უწევთ, თუმცა ეს არის აუცილებლობა და ჩვენი მოქალაქეები ამას პასუხისმგებლობით ეკიდებიან. თერმოსკრინინგზე, ფაქტიურად, არავინ უარს არ ამბობს, ფაქტიც არ ყოფილა რაიმე უხერხულობის, ამისათვის დიდი მადლობა ჩვენს მოქალაქეებს. ჩვენ ვისაუბრეთ იმ საკითხებზე, თუ როგორ შეიძლება განვმუხტოთ ფოთის პუნქტან შექმნილი საცობი, თუმცა ამჯერად ის მაქსიმუმი რაც კეთდება, უკეთესის საშუალებას არ გვაძლევს" , - აღნიშნა ალექსანდრე მოწერელიამ.

მათივე ინფორმაციით, სახელმწიფო რწმუნებული ასევე იმყოფებოდა ზუგდიდის მუნიციპალიტეტის სოფელ ცაცხვში განთავსებულ საკონტროლო პუნქტზე, სადაც ალექსანდრე მოწერელიამ ობიექტზე მყოფ სამხედროებს და პოლიციელებს მადლობა გადაუხადა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს