საბერძნეთში მიგრანტთა ბანაკი კარანტინში მოათავსეს მას შემდეგ, რაც თავშესაფრის 20 მაძიებელს კორონავირუსი დაუდგინდა. ინფორმაციას „როიტერსი“ ავრცელებს.

ტესტირება მიგრანტებს მას შემდეგ ჩაუტარდა, რაც 19 წლის ქალს, რომელმაც ბავშვი გააჩინა, ვირუსი დაუდასტურდა. ჯერჯერობით უცნობია სად დაინფიცირდა ახალგაზრდა, საავადმყოფოში თუ ბანაკში.

ჯანდაცვის სამინისტროს ინფორმაციით, ინფიცირებულთაგან არც ერთს კორონავირუსისთვის დამახასიათებელი სიმპტომები არ აღენიშნებოდა.

ინფიცირების ყველა შემთხვევა ამ დროისთვის რიცონაში ფიქსირდება, რომელიც დედაქალაქ ათენიდან 75 კილომეტრში მდებარეობს.