ლევან რატიანის ინფორმაციით, კორონავირუსით ინფიცირებული მარნეულელი ქალის ჯანმრთელობის მდგომარეობა მკვეთრად გაუმჯობესდა

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კორონავირუსით ინფიცირებული 62 წლის მარნეულელი ქალის ჯანმრთელობის მდგომარეობა მკვეთრად გაუმჯობესდა და მართვითი სუნთქვის აპარატიდან მოიხსნა.

როგორც რატიანმა ჟურნალისტებს განუცხადა, მათთან ამ ეტაპზე სულ 69 პაციენტი იმყოფება, მათ შორის 22 არის კორონავირუსით ინფიცირებული.

„რაც შეეხება პაციენტების მდგომარებას, ყველაზე კრიტიკული პაციენტი, არა მძიმე, არამედ კრიტიკული, იყო გადმოყვანილი ჩვენს კლინიკაში ბოლნისიდან, მარნეულის წითელი ზონიდან, პაციენტი იმყოფებოდა მართვით სუნთქვაზე, დადასტურებული კოვიდინფექციით. კლინიკურად ანამნეზური მდგომარებით სახეზე იყო მიოკარდიუმის გადატანილი ინფარქტი, ავტოკორონარული შუნტირება, შაქრიანი დიაბეტი, გულის უკმარისობა. მოთავსებული იყო კლინიკური მედიცინის დეპარტამენტში, ფასდებოდა ექიმების მიერ როგორც უკიდურესად მძიმე. ახლა მდგომარეობა სტაბილურია, მკვეთრი დადებითი დინამიკაა, მოხსნილია აპარატურული სუნთქვიდან, კონტაქური და ადეკვატურია, რამდენიმე საათი დაყოვნდება კრიტიკული მედიცინის ცენტრში და ჩამოვა თერაპიის განყოფილებაში“,- განაცხადა ლევან რატიანმა.

რატიანის ინფორმაციით, სტაბილურად მძიმედ და კრიტიკულად ფასდება 80 წლის და 79 წლის ქალების მდგომარეობა, თუმცა ორივე პაციენტი ამ ეტაპზე მართვას ექვემდებარება.

„ამჟამად კრიტიკული მედიცინის დეპარტამენტში რამდენიმე პაციენტი გვიწევს. 80 წლის ქალბატონის მდგომარეობა ფასდება მძიმედ, მაგრამ სტაბილურად. სტაბილურობა გამოიხატება იმაში, რომ ჰემოდინამიკა გახდა სტაბილური, გაუმჯობესებულია ჟანგბადის ანუ ოქსიგენაციის პარამეტრები, ნევროლოგიური სტატუსი უკეთესია და რეანიმატოგოლების მხრიდან ფასდება როგორც სტაბილურად მძიმე, დადებითი დინამიკით. რაც შეეხება 79 წლის მარნეულის წითელი ზონიდან შემოყვანილ ქალბატონს რომელიც შემოყვანილი იყო კლინიკაში კრიტიკული მდგომარეობით, რაც განპირობებული იყო მკვეთრი წონის დეფიციტით. ამ პაციენტს შემოყვანისთანავე დაუდასტურდა პნევმოთორაქსი ჩატარდა ყველა მანიპულაცია და ამ ეტაპზე მისი მდგომარეობა კრიტიკულია მაგრამ მართვადი,“ - აღნიშნა ლევან რატიანმა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)