ჯანდაცვის მინისტრის, ეკატერინე ტიკარაძის ინფორმაციით, კვირის ბოლოსთვის ზუგდიდის მუნიციპალიტეტში, რუხის კლინიკას დაახლოებით 100 პაციენტის მიღების შესაძლებლობა ექნება.
ამის შესახებ ეკატერინე ტიკარაძემ "ინტერპრესნიუსის" კითხვის პასუხად განაცხადა, რომელიც ოკუპირებული ტერიტორიიდან პაციენტთა ნაკადის შესაძლო ზრდის გამო, ზუგდიდის კლინიკის რესურსს შეეხებოდა.
"ამ ეტაპისთვის მიმდინარეობს ზუგდიდის კლინიკის სრული მობილიზაცია და კვირის ბოლოს მას ექნება საშუალება მიიღოს პაციენტების გარკვეული რაოდენობა და ეს არის დაახლოებით 100 პაციენტი. უკვე შემდეგ კვირებში ვახორციელებთ უფრო უკეთეს აღჭურვას ამ კლინიკის, რაც მოგვცემს იმის საშუალებას, რომ უკვე 200-250 პაციენტამდე ვმართოთ ზუგდიდში რუხის კლინიკაში," - განაცხადა ტიკარაძემ.