საყოველთაო კარანტინის პირობებში, ქუთაისში სასურსათო პაკეტების დარიგება მოსახლეობის სხვადასხვა ნაწილისთვის გრძელდება. ამის შესახებ „ინტერპრესნიუსს“ ქუთაისის მერიიდან აცნობეს. მათივე ცნობთ, ქუთაისის მერმა გიორგი ჭიღვარიამ , ნობათი ამჯერად მარჩენალდაკარგულ ოჯახებს გადასცა.
„ორ კვირაზე მეტია ჩვენ, ქუთაისის თვითმმართველობა, ყოველდღიურად ასეულობით ჩვენს თანაქალაქელს ვამარაგებთ პირველადი მოთხოვნილების პროდუქციით. მხოლოდ ასე, ერთად დგომით, სახელმწიფოს და კერძო სექტორის კოორდინირებული საქმიანობით შევძლებთ ამ მძიმე დღეების გადატანას“, - განაცხადა ქუთაისის მერმა გიორგი ჭიღვარიამ.