თორნიკე რიჟვაძე - ხელისუფლების გადაწყვეტილება, ეკონომიკის სტიმულირებისა და კომუნალური გადასახადების სუბსიდირების ნაწილში, სწორი და დროულია

აჭარის მთავრობის თავმჯდომარე, თორნიკე რიჟვაძე მიიჩნევს, რომ ხელისუფლების მიერ მიღებული გადაწყვეტილება, ეკონომიკის სტიმულირებისა და კომუნალური გადასახადების სუბსიდირების ნაწილში, სწორი და დროულია.

მისი თქმით, მთავრობის სწორმა სტრატეგიამ და კომუნიკაციამ განაპირობა ის, რომ მოსახლეობამ რისკები სრულად გაიაზრა.

„ეკონომიკა გამოწვევის წინაშეა. მთავრობა მაქსიმალურად ახორციელებს იმ ინტერვენციებს, რომელიც არსებული დინამიკის შესანარჩუნებლად აუცილებელია. ხელისუფლების მიერ მიღებული გადაწყვეტილება ეკონომიკის 2 მილიარდიანი დახმარების და კომუნალური გადასახადების სუბსიდირების ნაწილში სწორი და დროულია. მთავრობის სწორმა სტრატეგიამ, მათ შორის კომუნიკაციამ, განაპირობა ის, რომ მოსახლეობამ სრულად გაიაზრა რისკები, რაც ამ ინფექციას ახლავს და პასუხისმგებლობის მაღალი სტანდარტებით ეკიდებიან ამ შეზღუდვებს“,-აცხადებს რიჟვაძე.

აჭარის მთავრობის ხელმძღვანელის განცხადებით, ამ სტრატეგიით და ეფექტური მუშაობით, შესაძლებელი იქნება ინფექციის პიკის გადალახვა და სისტემის რეპუტაციისა და მდგრადობის შენარჩუნება. თორნიკე რიჟვაძე დარწმუნებულია, რომ მთლიანად გუნდი შეძლებს გაუმკლავდეს არსებულ გამოწვევას მინიმალური დანაკარგებით და საქართველო იქნება ერთ-ერთი სამაგალითო პანდემიასთან ბრძოლის კუთხით.

ცნობისთვის, საქართველოს მთავრობამ ეკონომიკის პირდაპირი დახმარების თვალსაზრისით 2 მილიარდი ლარი გამოყო. ასევე, მთავრობამ მიიღო გადაწყვეტილება, თითოეულ ჩვენს მოქალაქეს, ვინც თვის განმავლობაში მოიხმარს 200 კილოვატზე ნაკლებ ელექტროენერგიას და ასევე 200 მ3-ზე ნაკლებ ბუნებრივ აირს, 3 თვის განმავლობაში - მარტში, აპრილსა და მაისში გადასახადები სრულად დაუფინანსდება.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს