გორის მერმა საკონტროლო გამშვები პუნქტები მოინახულა

გორის მუნიციპალიტეტის მერმა კონსტანტინე თავზარაშვილმა გორის გასასვლელებში მოწყობილი საკონტროლო გამშვები პუნქტები მოინახულა. როგორც "ინტერპრესნიუსს" გორის მერიიდან აცნობეს, კონსტანტინე თავზარაშვილი მოქალაქეთა მიერ კარანტინის პირობების შესრულების მდგომარეობას პირადად გაეცნო.

,,მოქალაქეთა შემოწმება მშვიდ ვითარებაში მიმდინარეობს, დარღვევები თითქმის არ შეინიშნება, არც სიცხიანი მოქალაქე დაფიქსირებულა. მოსახლეობა გაგებით ეკიდება კარანტინის პირობებს და ცდილობს დაიცვას არსებული მოთხოვნები. მე იმედი მაქვს, რომ საერთო ძალისხმევით მალე დავამარცხებთ პანდემიას და ჩვენი მოსახლეობა ცხოვრების ჩვეულ რიტმს დაუბრუნდება“, - განაცხადა კონსტანტინე თავზარაშვილმა.

მოქალაქეების გადაადგილების კონტროლისა და მათი ჯანმრთელობის მდგომარეობის შემოწმების მიზნით საკონტროლო გამშვები პუნქტები გორის მასშტაბით 5 ადგილასაა მოწყობილი. მოქალაქეთა გადაადგილებასა და უსაფრთხოების ზომების დაცვას თავდაცვის სამინისტროსა და შსს სამინიტროს წარმომადგენლები უზრუნველყოფენ.

მოქალაქეთა გადაადგილების კონტროლისა და თერმოსკრინინგისთვის საკონტროლო პუნქტები გორის გარდა თბილისში, ქუთაისში, ბათუმში, რუსთავში, ფოთსა და ზუგდიდშია მოწყობილი.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია