გია ვოლსკი - სტრასბურგის გადაწყვტილება საზოგადოებამ უნდა დაინახოს არა როგორც პატარა სეგმენტი, არამედ როგორც ჩვენი ისტორიის ტრაგედიის შემადგენელი ნაწილი

პარლამენტის თავმჯდომარის პირველი მოადგილე გია ვოლსკი ე.წ. „ციხის ბუნტის“ საქმეზე ადამიანის უფლებათა ევროპული სასამართლოს გადაწყვეტილებას გამოეხმაურა.

„წინა ხელისუფლების პერიოდში უდანაშაულო ადამიანების ხოცვა-ჟლეტვის გამართლება მოხდა, რამდენადაც საზოგადოების მნიშვნელოვანი ნაწილი დაარწმუნეს, რომ თუ წესრიგი გინდა, მაშინ სიმკაცრეც უნდა გამოიჩინო. გახსოვთ ალბათ ბოლო პერიოდის პროპაგანდაც ამას ემსახურებოდა. ჩვენ ხომ ვიცით, რაც ხდებოდა?! აჭარელი ბიჭები დახოცეს ქუჩაში. ახალაიას გვარი ფიგურირებს ამ საქმეში და ძველი კანონით რომ გვემოქმედა, ალბათ ისეთი მცირე სასჯელით ვერ გადარჩებოდა ვერცერთი. შეკრებითობა იქნებოდა იმის გარანტია, რომ ათეულ წლებს გაატარებდნენ ციხეში. თავად ციხის თემის გადაფარვა მოხდა. რომ ციხე იმ ადამიანების ადგილსამყოფელია, რომელიც ჩვენს საზოგადოებას აზიანებს. შეხედეთ იმ ადამიანების დამოკიდებულებას, რომელიც დღეს ლაპარაკობს თუნდაც c ჰეპატიტზე ან კორონავირუსის თემაზე. პატიმრების ნახევარზე მეტი c ჰეპატიტით იყო დაავადებული და არავინ ფიქრობდა ემკურნალა მათთვის. პირიქით, დაავადებები განზრახ გადასდეს მათ. აი, ეს არის იმ ადამიანების სახე, რომლებიც დღეს საუბრობენ, რომ თურმე კორონავირუსის თემა გადაფარა სახალხო დამცველის განცხადებამ კონკრეტულ საკითხთან დაკავშირებით. აი, ამ ფორმატში მინდა დაინახოს ჩვენმა საზოგადოებამ ეს უბედურება და სტრასბურგის გადაწყვეტილება, და დაინახოს არა როგორც პატარა სეგმენტი, არამედ როგორც მნიშვნელოვანი, სერიოზული, ჩვენი ისტორიის ტრაგედიის შემადგენელი ნაწილი“, - განაცხადა პარლამენტის თავმჯდომარის პირველმა მოადგილემ, გია ვოლსკიმ საზოგადოებრივი მაუწყებლის ტელეეთერში, რომლის კომენტარსაც პარლამენტის პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!