აშშ-ის პრეზიდენტის, დონალდ ტრამპის თქმით, თუ ირანი მის ადმინისტრაციას დახმარებას სთხოვს კორონავირუსთან ბრძოლის დროს, ის მიიღებს ამ დახმარებას.
„მათთან ვირუსი ძალიან გავრცელდა. ძალიან, ძალიან გავრცელდა. ყველაზე ცუდი ისაა, როცა გჯერა ის, რასაც კითხულობ და მე მჯერა ის, რასაც ვხედავ და ვიცი. მათ თუ დახმარება სურთ, ჩვენ ამ დახმარებას აღმოვუჩენთ“,-აღნიშნა ტრამპმა.
ცოტა ხნის წინ, დემოკრატების პრეზიდენტობის კანდიდატმა, ჯო ბაიდენმა აღნიშნა, რომ ის ემხრობა ირანისთვის სანქციების მოხსნის საკითხს მანამ, ვიდრე ქვეყანა კორონავირუსს ებრძვის.
ირანში ამ დროისთვის კორონავირუსით ინფიცირების 50466 შემთხვევაა დაფიქსირებული. დაღუპულია 3160 ადამიანი, თუმცა მსოფლიო მედია ვარაუდობს, რომ ინფიცირებულთა და გარდაცვლილთა რიცხვი ქვეყანაში შესაძლოა ბევრად მეტი იყოს.