პრემიერი - მთავრობის წევრების და პარლამენტარების მიერ სახელფასო ანაზღაურებიდან თანხის შესაბამის ფონდში გადარიცხვის ინიციატივა სოლიდარობის ერთ-ერთი ყველაზე მნიშვნელოვანი აქტია

მთავრობის წევრების და პარლამენტარების მიერ მათი ყოველთვიური სახელფასო ანაზღაურებიდან თანხის შესაბამის ფონდში გადარიცხვის ინიციატივა სოლიდარობის ერთ-ერთი ყველაზე მნიშვნელოვანი აქტია, - ამის შესახებ პრემიერ-მინისტრმა გიორგი გახარიამ საკოორდინაციო საბჭოს სხდომაზე განაცხადა. მისი თქმით, ეს არის დასტური, როგორ ძლიერდება ქვეყანა მსგავსი გამოწვევების წინააღმდეგ ბრძოლის პერიოდში.

„მინდა, გამოვეხმაურო მთავრობის წევრების და პარლამენტარების მიერ მათი ყოველთვიური სახელფასო ანაზღაურებიდან თანხის შესაბამის ფონდში გადარიცხვების თაობაზე ჩვენი გუნდის ინიციატივას. ვთვლი, რომ ეს არის სოლიდარობის ერთ-ერთი ყველაზე მნიშვნელოვანი აქტი. დარწმუნებული ვარ, რომ ეს იქნება მასობრივი მოძრაობა, არამხოლოდ ჩვენი გუნდის წარმომადგენლების მხრიდან. ეს არის კიდევ ერთი დასტური იმისა, თუ როგორ იქმნება სახელმწიფო ინსტიტუტები და როგორ ძლიერდება ქვეყანა მსგავსი გამოწვევების წინააღმდეგ ბრძოლის პერიოდში,“ - განაცხადა გახარიამ.

შეგახსენებთ, რომ მმართველი გუნდის გადაწყვეტილებით, მთავრობისა და საპარლამენტო უმრავლესობის წევრები მარტის, აპრილის და მაისის თვეში თავიანთი ხელფასების 1/3-ს კორონავირუსთან დაკავშირებით შექმნილ ფონდში გადარიცხავენ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია