თბილისის ზღვის კლინიკური მედიცინის დეპარტამენტის უფროსის, მარეხი ბექაიას განცხადებით, მათთან მყოფი პაციენტებიდან კორონავირუსი ერთ პირს დაუდასტურდა. როგორც ბექაიამ ჟურნალისტებს განუცხადა, აღნიშნული პაციენტის ჯანმრთელობის მდგომარეობა ამ დროისთვის მძიმეა.
„კლინიკაში ამჟამად მკურნალობს 50 პაციენტი, 10 ახალი შემთხვევიდან დადასტურდა Covid-ის ერთი შემთხვევა, რომელიც გადაყვანილი იქნება პირველ საუნივერსიტეტო კლინიკაში. მდგომარეობა მძიმეა. ჯერჯერობით ხერხდება მისი სუნთქვის პარამეტრების მოწესრიგება აპარატული სუნთქვის გარეშე, მაგრამ მაღალი პროცენტით, პაციენტი გახდება აპარატულ სუნთქვაზე გადასაყვანი. ხანდაზმული პაციენტია თანმხლები დაავადებებით“,- განაცხადა ბექაიამ.