საპატრიარქოს პრესსამსახურის უფროსის, დეკანოზ ანდრია ჯაღმაიძის განცხადებით, ერთ-ერთი სასულიერო პირის განცხადება იმის შესახებ, რომ სააღდგომო ლიტურგიაზე მრევლი ტაძარში საღამოს 21:00 საათიდან დილის 6 საათამდე იქნებოდა, საპატრიარქოსთან შეთანხმებული არ ყოფილა. როგორც მან ჟურნალისტებს განუცადა, სასულიერო პირმა აღნიშნული განცხადების გაკეთება იჩქარა.

„განცხადება გააკეთა ერთ-ერთმა სასულიერო პირმა, რომ 21.00 საათიდან დილის 6 საათამდე იქნებოდა მრევლი ტაძარში სააღდგომო მსახურების დროს და მან იჩქარა ამ განცხადების გაკეთება. არ დაელოდა და არ იყო შეთანხმებული საპატრიარქოს პოზიციასთან. ჯერჯერობით ჩვენ არ ვიძლევით არანაირ განმარტებას, როგორ იქნება. დაველოდებით სააღდგომო დღეების მოახლოებას”, - განაცხადა დეკანოზმა.