ჩვენ ბევრ კატეგორიას ვუთხარით "დარჩით სახლში", მათ შორის, მათაც, ვინც ფრთხილობს და ფიქრობს, რომ შეიძლება დასნეულდეს. მოვალთ და გაზიარებთ სახლში, - ამის შესახებ ჟურნალისტებს საპატრიარქოს პრესსამსახურის უფროსმა დეკანოზმა ანდრია ჯაღმაიძემ განუცხადა. მისივე თქმით, საპატრიარქო შეეცდება სახელმწიფოს რეკომენდაციებთან წინააღმდეგობაში არ შევიდეს ისე ჩაატაროს მსახურება.

"არის საპატრიარქოს მხრიდან ნათქვამი რეკომენდაციები და არის სახელმწიფოს მიერ მიღებული ზომები. ურთიერთსაწინააღმდეგო არ არის. ჩვენ შევეცდებით, რომ ურთიერთწინააღმდეგობაში არ შევიდეთ და ეს ისე გავაკეთოთ. მოქალაქეებს ვეუბნებით, რომ რეკომენდაციების მიხედვით იმოქმედონ, რომელიც გასცა სახელმწიფომ და საპატრიარქომ. ადამიანების ბევრ კატეგორიას ვუთხარით, რომ "დარჩით სახლში", მათ შორის, მათაც ვინც ფიქრობს, ფრთხილობს, რომ ეკლესიაში შეიძლება დასნეულდეს, მოვალთ და გაზიარებთ სახლში. აქ მნიშვნელოვანია, რომ ამ ხალხს არ ვეუბნებით, რომ თქვენ არღვევთ მრწამსს. თუკი ფრთხილობთ, ჩვენ მოვალთ სახლში და გაზიარებთ," - განაცხადა ჯაღმაიძემ.