ხშირად კორონავირუსს აქვს ჩვეულებრივ გრიპზე ნაკლები სიმპტომატიკა, - ამის შესახებ ამირან გამყრელიძის შვილმა, სამედიცინო კორპორაცია „ევექსის” მმართველი „საქართველოს ჯანდაცვის ჯგუფის” (GHG) დირექტორმა ნიკოლოზ გამყრელიძემ ტელეკომპანია „პალიტრანიუსთან“ ინტერვიუში განაცხადა.

ინტერვიუში ნიკოლოზ გამყრელიძემ იმ სიმპტომებზე ისაუბრა, რაც მას დაავადების პერიოდში აღენიშნებოდა.

„მე მქონდა დაბალი სიცხე. მაქსიმუმ 37.5-მდე და მქონდა მშრალი ხველა პირველი დაახლოებით 1 კვირა. შემდგომ მცირე პნევმონიაც დამიდგინდა ერთ ფილტვზე, რომელიც მკურნალობას არ საჭიროებდა. ხშირად კორონავირუსს აქვს ჩვეულებრივ გრიპზე ნაკლები სიმპტომატიკა. შეიძლება სრულიად ასიმპტომურიც იყოს. 2 კვირის მერე მე კვლავ დადებითი ვიყავი ვირუსზე, მაგრამ სრულიად ასიმპტომური ვიყავი - არც სიცხე მქონდა, არც ხველა და არაფერი. მძიმე გრიპის შემთხვევაში ხშირად უფრო მეტი სიმპტომი გვაქვს ისეთი, როგორიც არის სურდო, ყელის ტკივილი და ა.შ. რაც მე არ მქონია,“ - განაცხადა გამყრელიძემ.