ზუგდიდის მუნიციპალიტეტის მერიის პოლიტიკური გუნდის წევრები საკუთარი ხელფასების 1/3 კორონავირუსთან ბრძოლის ფონდში გადარიცხავენ

ზუგდიდის მუნიციპალიტეტის მერიის პოლიტიკური გუნდის წევრები საკუთარი ხელფასების 1/3 კორონავირუსთან ბრძოლის ფონდში გადარიცხავენ.

როგორც „ინტერპრესნიუსს“ ზუგიდიდის მუნიციპალიტეტიდან აცნობეს, აღნიშნული განცხადება დღეს ზუგდიდის მუნიციპალიტეტის მერმა გიორგი შენგელიამ გააკეთა.

,,ჩვენ, მერიის პოლიტიკური გუნდი, ვუერთდებით მმართველი პარტიის ინიციატივას, რომლის ფარგლებში ჩვენი ხელფასების ერთი მესამედი კორონავირუსთან ბრძოლის ფონდში გადაირიცხება. აღნიშნული თანხები იმ ზიანის აღდგენას მოხმარდება, რომელიც ვირუსმა მთელ ქვეყანას მიაყენა და შესაძლოა მომავალშიც მიაყენოს. ეს იქნება სხვადასხვა სფეროს დახმარება, სხვადასხვა მიმართულებით. ეს იქნება სოციალურად დაუცველი მოქალაქეებისა და იმ ადამიანების დახმარება, რომლებმაც შემოსავალი დაკარგეს. კორონავირუსი არის მნიშვნელოვანი და რთული გამოწვევა. შესაბამისად, თითოეული მოქალაქე ვალდებულია გამოიჩინოს მაღალი მოქალაქეობრივი პასუხისმგებლობა ამ კუთხით და ჩვენ, ამ შესაძლებლობიდან გამომდინარე ჩვენი წვლილი შეგვაქვს ამ საქმეში“, - აღნიშნა გიორგი შენგელიამ.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა