ბორჯომში არსებულ მრავალბინიან საცხოვრებელ სახლებში სადეზინფექციო სამუშაოები ჩატარდა,- ამის შესახებ „ინტერპრესნიუსს“ ბორჯომის მერიიდან აცნობს. მათივე ინფორმაციით, სპეციალური ხსნარებით დამუშავდა კორპუსების სადარბაზოები და გარე სივრცეები.

ღონისძიებები ჩატარდა ასევე ბორჯომში აფხაზეთიდან იძულებით გადაადგილებული დევნილი მოსახლეობის საცხოვრებელ კორპუსებში. სამუშაოები ახლა უკვე დაბებსა და სოფლებში გადაინაცვლებს, სადაც არსებული მრავალბინიანი საცხოვრებელი შენობები დამუშავდება. ღონისძიებებში აქტიურად არიან ჩართულები ა(ა)იპ სამსახურები. აღსანიშნავია, რომ აქტივობა ერთჯერადი არაა და ის ქალაქისა და დაბების მასშტაბით, ინტენსიურად გაგრძელდება.