საჩხერის სამედიცინო ცენტრის მედპერსონალი იზოლაციაში იმყოფება. ასამდე თანამშრომლის იზოლირება მას შემდეგ გახდა აუცილებელი, რაც ერთ-ერთ ინფექციონისტს კორონავირუსი დაუდასტურდა.

სამედიცინო ცენტრის დირექტორის, მიხეილ ქამუშაძის ინფორმაციით, თანამშრომლებს ტესტები ჩაუტარდათ და ანალიზების პასუხებს ელოდებიან.

ექიმ-ინფექციონისტს კონტაქტი ჰქონდა კორონავირუსით ინფიცირებულ პაციენტებთან, ჯერ უცნობია, საიდან მოხდა დაინფიცირება. საავადმყოფოში აცხადებენ, რომ ექიმი პაციენტებთან ეკიპირებით იყო შესული. ექიმები პასუხის მიღებამდე კლინიკას არ ტოვებენ.

მიხეილ ქამუშაძის ინფორმაციით, გამოკვლეულია აღნიშნული პაციენტის კონტაქტები და ახლოკონტაქტში მყოფ პირებს ანალიზები აუღეს, პასუხებს დღეს მიიღებენ.