შოთა რეხვიაშვილის განცხადებით, პირებს, რომლებიც რუსთავის საკრებულოს კორონავირუსით ინფიცირებულ დეპუტატთან და მის ოჯახთან არიან დაკავშირებული, კორონავირუსის სიმპტომები ჯერჯერობით არ აქვთ

ქვემო ქართლში სახელმწიფო რწმუნებულის, შოთა რეხვიაშვილის განმარტებით, იმ ადამიანებს, რომლებიც დაკავშირებული არიან კორონავირუსით ინფიცირებულ რუსთავის საკრებულოს წევრთან და ეროვნულ ბანკთან ჯერჯერობით კორონავირუსის არავითარი სიმპტომი არ აღენიშნებათ.

როგორც რეხვიაშვილმა ჟურნალისტებს განუცხადა, პრევენციის კუთხით ყველა შესაბამისი ზომაა მიღებული.

მისი თქმით, 9 მოქალაქეს, რომლებსაც ცხელება აეროპორტში დაუფიქსირდათ, კორონავირუსი არ აღმოაჩნდა.

„მხარეში COVID19-ის ახალი გამოვლინების ფაქტი არ გვაქვს. რაც შეეხება ქალაქის საავადმყოფოში მოთავსებულ 9 მოქალაქეს, რომლებიც აეროპორტიდან ცხელებით შემოვიდნენ, მათთან გუშინ ჩამოსული იყვნენ ლუგარის ლაბორატორიიდან, შესაბამისი მასალა წაღებული იყო კვლევისთვის და ყველასთან უარყოფითი შედეგია.

რაც შეეხება იზოლაციაში მყოფ საკრებულოს წევრებს და იმ პირველ კონტაქტებს, რომლებიც ბანკსა და საკრებულოს წევრის ოჯახთან არიან დაკავშირებულნი, მეთერმეტე დღეა და ვირუსის არავითარი სიმპტომი არ გვაქვს. პრევენციის კუთხით, რაც შეიძლებოდა ზომები მიღებულიყო, იმ არეალში, იმ კორპუსში მიღებული გვაქვს“,- აცხადებს რეხვიაშვილი.

ცნობისთვის, რუსთავის საკრებულოს წევრს და მის მამას კორონავირუსი დაუდასტურდა. თავდაპირველად ინფექცია დაუდასტურდა საკრებულოს წევრის დედას, რომელიც ეროვნული ბანკის თანამშრომელია.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია