რუსთავის მერია - კორონავირუსის პრევენცის მიზნით, ბოლო რამდენიმე დღის განმავლობაში, რუსთავის მერიამ მუშაობის საგანგებო რეჟიმი კიდევ უფრო გაააქტიურა

კორონავირუსის პრევენცის მიზნით, ბოლო რამდენიმე დღის განმავლობაში, რუსთავის მერიამ, მუშაობის საგანგებო რეჟიმი კიდევ უფრო გაააქტიურა.

როგორც „ინტერპრესნიუსს“ რუსთავის მერიიდან აცნობეს, მუნიციპალიტეტს, სოციალურად დაუცველი მოსახლეობისთვის პროდუქტის და მედიკამენტის სახლში მიტანის კამპანია არც ამ დღეებში შეუწყვეტია. მოხალისეების დახმარებით, რუსთავის მერიამ უკვე 2000-მდე ისეთ ოჯახს გადასცა შემწეობა, რომლებიც შექმნილი ეპიდსიტუაციიდან გამომდინარე, თანადგომას საჭიროებდნენ.

მათივე ცნობით, მოხალისეობრივ კამპანიაში, რიგით რუსთაველებთან ერთად, ,,ქართული ოცნების“ ახალგაზრდული ორგანიზაციის წარმომადგენლები და მუნიციპალიტეტის თანამშრომლები არიან ჩართულები.

„დღევანდელი ქველმოქმედება, საქართველიოს წითელი ჯვრის ორგანიზაციის და ქალაქის მუნიციპალიტეტის ორგანიზებით გაიმართა. ქალაქის ერთ-ერთ სუპერმარკეტში მოწყობილ, წითელი ჯვრის და რუსთავის მერიის საქველმოქმედო კალათის პროდუქტით შევსებაში, მონაწილეობა ყველა მსურველს შეეძლო. აქციაში რუსთავის მერი ირაკლი ტაბაღუა მოადგილეებთან - გოჩა ლორიასთან და ირმა მესხთან ერთად ჩაერთო. აღნიშნული ქველმოქმედების შედეგად, შეგროვებული პროდუქტი, მოხალისეებმა 300-მდე რუსთაველ ოჯახს მიუტანეს. პარალელურად გრძელდება საბავშვო ბაღების აღსაზრდელების სურსათით მომარაგების აქციაც, სასურსათო პაკეტი კიდევ 2400 ოჯახზე გაიცემა. 3250 ბენეფიციარს, აღნიშნული შემწეობა უკვე მიღებული აქვს. სურსათით მარაგდებიან სოციალური სასადილოების ბენეფიციარებიც, მათ ნაწილთან სასურსათო პაკეტი მოხალისეებს მიაქვთ, ნაწილს კი მუნიციპალიტეტი, სახლიდან სასადილომდე ტრანსპორტით უზრუნველყოფს“, - ნათქვამია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა