ფოთის ცხელების ცენტრში მწვავე რესპირატორული სიმპტომებით წალენჯიხიდან 38 წლის ქალი შეიყვანეს. პაციენტი კოვიდ 19-ით დაინფიცირებული სპორტსმენის კონტაქტებიდანაა. ექიმების ინფორმაციით, მისი ბიოლოგიური მასალა ლუგარის ლაბორატორიაში გაიგზავნება.
„პაციენტი შემოყვანილია წალენჯიხიდან, 38 წლის ქალბატონი, მწვავე რესპირატორული სიმპტომებით. აღენიშნებოდა ტემპერატურა, ყელისა და თავის ტკივილი. პაციენტი მოთავსებულია ბოქსირებულ პალატაში. მას უტარდება შესაბამისი კლინიკო-დიაგნოსტიკური კვლევები. მისი მდგომარეობა დამაკმაყოფილებელია. ეპიდ ანამნეზიიდან ირკვევა, რომ ეს პაციენტი არის დაინფიცირებული სპორტსმენის კონტაქტებიდან. გამოძახებული არიან ეპიდემიოლოგები, მოხდება ბიოლოგიური მასალის აღება და გაიგზავნება ლუგარის ლაბორატორიაში,“ - განაცხადა ფოთის ჰოსპიტალის დირექტორმა თეა მიგინეიშვილმა.