ბათუმში, კლინიკა "მედალფაში" კორონავირუსით ინფიცირებული 70 წლის მამაკაცის ჯანმრთელობის მდგომარეობა სტაბილურად მძიმეა , - ამის შესახებ აჭარის ჯანდაცვის მინისტრმა ზაალ მიქელაძემ ჟურნალისტებთან საუბრისას განაცხადა.
მისი ინფორმაციით, კოვიდ 19-ით ინფიცირებული პაციენტი მართვით სუნთქვაზე იმყოფება.
"სხვა ინფიცირებულ პაციენტებთან მიმართებაში, შეიძლება ჩაითვალოს, რომ მათი ჯანმრთელობის მდგომარეობა საშუალო ან საშუალოზე უფრო ნაკლები სიმძიმის მიმდინარეობაა. რაც შეეხება ბათუმის ინფექციური საავადმყოფოს მედდას, რომელიც ინფიცირებულია, მისი ჯანმრთელობის მდგომარეობა სტაბილურია, მედდას მინიმალური კლინიკური ნიშნები აქვს და დარწმუნებული ვარ, რომ ისიც მალე შეუერთდება ამ გამოჯანმრთელებულების რიგს", - განაცხადა ზაალ მიქელაძემ.
ცნობისთვის, კლინიკა "მედალფაში" 9 ინფიცირებული მკურნალობს.