რელიგიის საკითხთა სახელმწიფო სააგენტო საქართველოს სამოციქულო ავტოკეფალურ მართლმადიდებელ ეკლესიასა და ყველა მართლმადიდებელ ქრისტიანს ხარების დღესასწაულს ულოცავს.

„მართლმადიდებელი ქრისტიანები დღეს ყოვლადწმინდა ღვთისმშობლის ხარებას აღნიშნავენ, თორმეტთაგან ერთ-ერთ საუფლო დღესასწაულს. სახარების მიხედვით, ამ დღეს ახარა გაბრიელ მთავარანგელოზმა ქალწულ მარიამს, რომ ის მესიას - იესო ქრისტეს შობდა. ხარება კაცობრიობის ხსნის დასაწყისი და დაფარული ღვთის საიდუმლოს გამოცხადების დღესასწაულია.

რელიგიის საკითხთა სახელმწიფო სააგენტო ულოცავს საქართველოს სამოციქულო ავტოკეფალურ მართლმადიდებელ ეკლესიას, ყველა მართლმადიდებელ ქრისტიანს ხარების დღესასწაულს, მშვიდობას, სიკეთესა და სიხარულს უსურვებს მათ“, - ნათქვამია ინფორმაციაში.