"მოძრაობა მომავლისთვის" და "ლელოს" წევრებმა წითელ ჯვარს  საოკუპაციო ხაზთან მცხოვრებთათვის  განკუთვნილი  დახმარება გადასცეს

არასამთავრობო ორგანიზაცია "მოძრაობა მომავლისთვის" და პოლიტიკური გაერთიანება "ლელო საქართველოსთვის" წევრებმა წითელი ჯვრის გორის ოფისს ჰუმანიტარულ ტვირთი გადასცეს, რომელიც შიდა ქართლში, საოკუპაციო ხაზთან მცხოვრებ მოსახლეობისთვისაა განკუთვნილი. როგორც "ინტერპრესნიუსს" "ლელო საქართველოდან" აცნობეს, კონფლიქტის ზონის სოფლებში სასურსათო პროდუქტი და პირველადი საჭიროების ნივთები მოსახლეობას დაურიგდება.

"ორგანიზაცია „მოძრაობა მომავლისთვის“ სხვადასხვა ორგანიზაციის მხარდაჭერით ახორციელებს სოციალური ხასიათის ღონისძიებებს, რომელიც ჩვენი მოქალაქეების დახმარებას გულისხმობს. ჩვენ უკვე ვიყავით საოკუპაციო ხაზთან, ენგურის ხიდზე, დავეხმარეთ ჩვენს მოქალაქეებს თბილისსა და რეგიონებში. დღეს წითელი ჯვრის დახმარებით ცხინვალის რეგიონში შევაგზავნეთ სასურსათო პროდუქტი და პირველადი საჭიროების ნივთები ჩვენი მოქალაქეებისთვის, რომელთაც ამ რთულ პერიოდში ყველაზე მეტად სჭირდებათ მხარდაჭერა. მამუკა ხაზარაძის აქტიური მხარდაჭერითა და სხვა ორგანიზაციების დახმარებით ხორციელდება სოციალური კამპანია. ამიტომ, მადლობა მათ და ყველას, ვინც გააგრძელებს ამ ესტაფეტას“ - განაცხადა თეონა დოლენჯაშვილმა.

როგორც პარტიაში აცხადებენ, "მოძრაობა მომავლისთვის“ განაგრძობს კონფლიქტით დაზარალებული მოსახლეობის დახმარებას, „ლელო საქართველოსთვის“ მოხალისეებისა და სხვა ორგანიზაციების მხარდაჭერით.

"დღეს წითელი ჯვრის გორის ოფისის დახმარებით დაახლოებით 80 ოჯახს გადაეცემა სურსათი და პირველადი საჭიროების ნივთები. სოციალური ხასიათის კამპანია მოიცავს შიდა ქართლის საოკუპაციო ზოლში მცხოვრებ სოციალურად დაუცველ, მრავალშვილიან ოჯახებს და მოხუცებს. აღნიშნული კამპანია გაგრძელდება სხვა ოჯახების დასახმარებლად’’, - განაცხადა გიორგი კანაშვილმა.

ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
ქართული პრესის მიმოხილვა 25.04.2024
არჩილ მორჩილაძე - AACI-ის გეგმის მიხედვით, 2024 წლის 15 სექტემბრამდე, ყველა კლინიკაში უნდა დასრულდეს ძირითადი აუდიტის პროცესი, რათა შემდეგ დარჩეს დრო ხარვეზების გამოსწორებისა და მაკორექტირებელი გეგმების წარსადგენად
თბილისში ახალი კლინიკა - ჟორდანიას სამედიცინო ცენტრი გაიხსნება
m² კოლაბორაციულ პროექტს იწყებს
GM PHARMA ამერიკის სავაჭრო პალატის (AmCham) წევრი გახდა