ბრიტანეთის პრემიერის პრესსპიკერის ინფორმაციით, ბორის ჯონსონს პნევმონია არ აქვს. მისივე თქმით, მთავრობის მეთაური კარგ განწყობაზეა, თუმცა კვლავაც ინტენსიური თერაპიის განყოფილებაში რჩება.

„მისი მდგომარეობა სტაბილურია და ის კარგ განწყობაზეა. ის იღებს სტანდარტულ ჟანგბადს და სხვა დახმარება არ ესაჭიროება. მას პნევმონია არ აღენიშნება“, - განაცხადეს პრესსამსახურში.

ცნობისთვის, ბრიტანეთის პრემიერი, რომელსაც კორონავირუსი აქვს, წუხელ ინტენსიური თერაპიის განყოფილებაში გადაიყვანეს.