„ჯორჯიან მანგანეზმა“ ჭიათურის ქუჩები მორეცხა და სადეზინფექციო სამუშაოები ჩაატარა

„ჯორჯიან მანგანეზი“ კორონავირუსთან (COVID19) ბრძოლისთვის საჭირო ღონისძიებების გატარებას უწყვეტ რეჟიმში განაგრძობს.

როგორც კომპანიიდან “ინტერპრესნიუსს” აცნობეს, გუშინ ჭიათურაში „ჯორჯიან მანგანეზის“ დასუფთავების სამსახურის მიერ კორონავირუსის პრევენციის მიზნით სადეზინფექციო სამუშაოები ჩატარდა და ქუჩები მოირეცხა. ქუჩის მორეცხვის სამუშაოები „ჯორჯიან მანგანეზის“ მექანიკური დაგვისა და გადამრეცხი უნივერსალური ავტომობილებით განხორციელდა და მასში კომპანიის დასუფთავების სამსახურის მიერ გამოყოფილი ბრიგადის 10 წევრი მონაწილეობდა.

სადეზინფექციო სამუშაოების პროცესში, „ჯორჯიან მანგანეზთან“ ერთად, ჭიათურის მუნიციპალიტეტის მერიის შესაბამისი სამსახურებიც იყვნენ ჩართულები.

„ჯორჯიან მანგანეზი“ მსგავსი სადეზინფექციო სამუშაოების ჩატარებას ზესტაფონშიც გეგმავს. „ჯორჯიან მანგანეზმა“, როგორც მაღალი პასუხისმგებლობის მქონე საწარმომ, კორონავირუსის გავრცელების პრევენციის მიზნით, ჭიათურაში ქუჩები მორეცხა და სადეზინფექციო სამუშაოები განახორციელა. „ჯორჯიან მანგანეზის“ დასუფთავების სამსახური მაქსიმალურად მობილიზებულია და აღნიშნული სამუშაოების ჩატარებას აქტიურ რეჟიმში განაგრძობს“, - აცხადებს „ჯორჯიან მანგანეზის“ დასუფთავების სამსახურის უფროსი, გიორგი ჩხეიძე.

„ჩვენ მობილიზებულები ვართ იმაზე, რომ ჭიათურაში ყველა უბანში შევიდეთ, ქუჩები მოვრეცხოთ და ახალ კორონავირუსს სადეზინფექციო საშუალებებით ვებრძოლოთ. შესაძლებლობა ნამდვილად გვაქვს, რომ ეს ვირუსი ერთად დგომით დავამარცხოთ. ბევრ ქალაქს იმის შესაძლებლობა არ აქვს, რომ „ჯორჯიან მანგანეზის“ მსგავსი სახის სპეცტექნიკა ჰყავდეს. ერთობლივად ჩვენ ძალიან ბევრი კარგი საქმე გამოგვსვლია და მომავალშიც გამოგვივა“, - აღნიშნავს ჭიათურის მუნიციპალიტეტის მერი, გივი მოდებაძე.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს