შალვა კერესელიძე ლარსის გამშვებ პუნქტზე არსებულ ვითარებას გაეცნო და დაბა სტეფანწმინდაში მოწყობილი საკარანტინე სივრცეები მოინახულა

მცხეთა-მთიანეთის სახელმწიფო რწმუნებული შალვა კერესელიძე, მოადგილე გოჩა ქავთარაძესთან, მცხეთის საზოგადოებრივი ჯანდაცვის ცენტრის ხელმძღვანელ ბადრი კუკულაძესთან და ყაზბეგის მუნიციპალიტეტის მერ ალექსანდრე ზაგაშვილთან ერთად ლარსის სასაზღვრო გამშვებ პუნქტს ესტუმრა და გამშვები პუნქტის მიმდებარე ტერიტორიაზე მოწყობილი საველე კარავი დაათვალიერა. ამის შესახებ „ინტერპრესნიუსს” მცხეთა-მთიანეთის სახელმწიფო რწმუნებულის ადმინისტრაციიდან აცნობეს.

მათი ინფორმაციით, მხარის რწმუნებული ადგილზე არსებულ ვითარებას დეტალურად გაეცნო.

„კორონავირუსის ფართოდ გავრცელების პრევენციის მიზნით, ლარსის სასაზღვრო პუნქტზე უსაფრთხოების ნორმები მაქსიმალურადაა გამკაცრებული. საზღვრიდან შემოსული თითოეული მოქალაქე თერმო სკრინინგის პროცედურას გადის. ტემპერატურისა და სხვა საეჭვო სიმპტომების დაფიქსირების შემთხვევაში პიროვნება დროებით, შესაბამის სამედიცინო დაწესებულებაში გადაყვანამდე, საველე კარავში მოთავსდება. კარავი 15 მოქალაქეზეა გათვლილი და სათანადო ინვენტარითაა აღჭურვილი.

შალვა კერესელიძემ დაბა სტეფანწმინდაში ის სასტუმროებიც მოინახულა, რომელიც სახელმწიფომ საკარანტინე სივრცეების მოსაწყობად დააკონტრაქტა. აღსანიშნავია, რომ დღეის მდგომარეობით, დაბა გუდაურში 6 საკარანტინე ზონაა მოწყობილი, სადაც დაახლოებით 300 პირი იმყოფება. მოქალაქეები სასტუმროებს ყოველდღიურ რეჟიმში ტოვებენ. ამ დრომდე, გუდაურის საკარანტინე სივრცეებში მოთავსებული არც ერთი პიროვნების კორონავირუსით ინფიცირების ფაქტი არ დადასტურებულა”, - ნათქვამია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა