პროდუქტების ახალი პაკეტი გორის ბაღების აღსაზრდელებს დღეს დაურიგდათ

გორის მუნიციპალიტეტის საბავშვო ბაღებში პროდუქტის დარიგების მესამე ეტაპი დაიწყო. აღნიშნულის შესახებ „ინტერპერსნიუსს“ გორის მერიიდან აცნობეს. როგორც მათ ინფორმაციაშია აღნიშნული, პროცესს დღეს, გორის პირველ და მე-3 ბაგა-ბაღებში გორის მუნიციპალიტეტის მერის მოადგილე პაატა ივანიშვილი და სკოლამდელი აღზრდის სააგენტოს მენეჯერი ლია კოვზიაშვილი ესწრებოდნენ.

პაკეტი, რომელიც მუნიციპალიტეტის 62 ბაღის 6000-ივე აღსაზრდელმა უნდა მიიღოს, არამალფუჭებად პროდუქტთან ერთად, ხილსა და ბოსტნეულსაც შეიცავს.

საკვების დარიგება სანიტარული ნორმებისა და სოციალური დისტანციის დაცვით მიმდინარეობს.

„ახალი კორონავირუსის გავრცელების თავიდან აცილების მიზნით, ბაგა-ბაღებში სასწავლო პროცესი, უწყებათაშორისი საკოორდინაციო საბჭოს რეკომენდაციით, საგაზაფხულო არდადეგების შემდეგ, 16 მარტიდან აღარ განახლებულა, რის გამოც მერიამ მიიღო გადაწყვეტილება, ბაგა-ბაღებში ბავშვთა კვებისთვის გათვალისწინებული პროდუქტი აღსაზრდელების მშობლებისთვის გადაეცა.

დღემდე პროდუქტი 2 ეტაპად დარიგდა. პირველ ეტაპზე, კვების პროდუქტი 900-მა სოციალურად დაუცველმა აღსაზრდელმა მიიღო, მომდევნო ეტაპზე კი პროდუქტი ყველა აღსაზრდელისთვის გაიცა“, - ნათქვამია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა