კახეთის რეგიონში არსებული ერთ-ერთი საკარანტინო ზონა 127 კაციანმა ჯგუფმა დატოვა. საკარანტინო ზონაში მყოფ ვიზიტორებს 24 საათის განმავლობაში ემსახურებოდნენ ექიმები, უზრუნველყოფილნი იყვნენ სამჯერადი კვებით და შესაბამისი პირობებით.

საკარანტინო ზონაში დღეს კახეთის მხარეში სახელმწიფო რწმუნებული, ირაკლი ქადაგიშვილი იმყოფებოდა. ვიზიტორების ტრანსპორტირება მუდმივ საცხოვრებელ ადგილებამდე საქართველოს სხვადასხვა რეგიონების მიმართულებით განხორციელდა.

გამგზავრებამდე მათ სამედიცინო შემოწმება გაიარეს, რის შემდეგაც ექიმების რეკომენდაციის საფუძველზე დატოვეს საკარანტინო სივრცე.