ექიმების ინფორმაციით, ვანში მცხოვრები კორონავირუსით ინფიცირებული 75 წლის ქალის, მისი მეუღლის და სიძის ჯანმრთელობის მდგომარეობა საშუალო სიმძიმისაა
ქუთაისის ინფექციურ საავადმყოფოში კორონავირუსით ინფიცირებული ათი პაციენტია მოთავსებული, მათ შორისაა ვანში მცხოვრები 75 წლის ქალი, მისი მეუღლე და სიძე. მათი ჯანმრთელობის მდგომარეობა საშუალო სიმძიმისაა. ათი პაციენტიდან ოთხი მძიმეა.
ქუთაისის ინფექციურ საავადმყოფოში სამი საეჭვო პაციენტის ბიოლოგიური ნიმუშებია გადაგზავნილი და პასუხი დღის ბოლომდე გახდება ცნობილი. ქუთაისის ლაბორატორიაში გუშინ 45 ბიოლოგიური ნიმუში გამოიკვლიეს და აქედან სამმა დადებითი პასუხი აჩვენა. ერთი შემთხვევა ლენტეხის მუნიციპალიტეტში დადასტურდა. 50 წლამდე მამაკაცის კონტაქტებს ეპიდემიოლოგები სწავლობენ.
