ექიმის ინფორმაციით, ქუთაისის ინფექციურ საავადმყოფოში კორონავირუსით ინფიცირებული 10 პაციენტიდან ექვსს პნევმონია აღენიშნება

ქუთაისის ინფექციურ საავადმყოფოში კორონავირუსით ინფიცირებული 10 პაციენტია მოთავსებული, რომელთაგან 6 მათგანს პნევმონია აღენიშნება, - ამის შესახებ ჟურნალისტებს საავადმყოფოს ექიმმა თეიმურაზ ნადირაძემ განუცხადა. მისი თქმით, ზოგიერთ მათგანს მძიმე ფორმის პნევმონია აქვს. მისივე ინფორმაციით, ქუთაისის ინფექციურ საავადმყოფოში 2 ახალი პაციენტია, რომლებიც დაკავშირებული არიან ვანის კლასტერთან.
„ამჟამად სტაციონარში გვიწევს 10 დადასტურებული პაციენტი. გუშინ საღამოს დაემატა 2 დადასტურებული შემთხვევა. ეს უკავშირდება ვანის კლასტერს და ისინი ერთი ოჯახის წევრები არიან. აღნიშნული 10 პაციენტიდან 6 მათგანს აღენიშნება პნევმონია, მათ შორის ზოგიერთი მძიმე ფორმის პნევმონიით არის.
3 პაციენტი არის კვლევის ფაზაში, მათ უტარდებათ სხვადასხვა სახის კვლევა და დღის ბოლოს ჩამოყალიბებული ვიქნებით,“ - განაცხადა თეიმურაზ ნადირაძემ.

























