თელავის მუნიციპალიტეტის მერმა შოთა ნარეკლიშვილმა და კახეთის მხარეში სახელმწიფო რწმუნებულმა ირაკლი ქადაგიშვილმა პატივი მიაგეს გარდაცვლილთა ხსოვნას და გვირგვინით შეამკეს 9 აპრილის მემორიალი. ამის შესახებ „ინტერპრესნიუსს“ თელავის მერიიდან აცნობეს.
თელავის მუნიციპალიტეტის მერის შოთა ნარეკლიშვილის განცხადებით, ეს ბრძოლა დღესაც გრძელდება და აუცილებლად ჩვენი გამარჯვებით დასრულდება.
„დღეს ჩვენ პატივი მივაგეთ 1989 წლის 9 აპრილს გარდაცვლილ ჩვენ გმირებს, რომელთა თავდადებამაც და თავგანწირვამ ორი წლის შემდეგ ჩვენს ქვეყანას დაუბრუნა თავისუფლება და დამოუკიდებლობა. ჩვენ ამ ბრძოლას დღესაც ვაგრძელებთ, რუსეთს ოკუპირებული აქვს ჩვენი ქვეყნის 20% და მე დარწმუნებული ვარ, რომ ძალიან მალე ეს ბრძოლა ჩვენი გამარჯვებით დასრულდება“, - განაცხადა თელავის მუნიციპალიტეტის მერმა შოთა ნარეკლიშვილმა.