დუშეთის მუნიციპალიტეტის მერის მოადგილეებმა ბესიკ ბიჩნიგაურმა და ზაქარია ხეხელაშვილმა 9 აპრილის დიდების მემორიალი ყვავილების გვირგვინით შეამკეს და წუთიერი დუმილით გმირების ხსოვნას პატივი მიაგეს. ამის შესახებ „ინტერპრესნიუსს“ დუშეთის მერიიდან აცნობეს.

„1989 წლის 9 აპრილის ტრაგიკული ღამის მოვლენებიდან ზუსტად ორი წლის შემდეგ, 1991 წლის 9 აპრილს საქართველომ სახელმწიფოებრივი დამოუკიდებლობის აღდგენის აქტი მიიღო. დღეს ჩვენ პატივი მივაგეთ იმ გმირებს, რომელთა თავდადებამ და თავგანწირვამ ორი წლის შემდეგ ჩვენს ქვეყანას დაუბრუნა თავისუფლება და დამოუკიდებლობა“ - განაცხადეს ადგილობრივი ხელისუფლების წარმომადგენლებმა.