სომხეთში, კორონავირუსის შემთხვევების რიცხვმა, ინფიცირების არსებული დინამიკის შენარჩუნების პირობებში, აპრილის ბოლოსთვის, შესაძლოა, 3 600 შეადგინოს. ამის შესახებ სომხეთის ჯანდაცვის მინისტრმა არსენ ტოროსიანმა განაცხადა.
„არსებული ტემპის შენარჩუნების შემთხვევაში, 19 აპრილს უკვე 1 800 შემთხვევა გვექნება, 29 აპრილს - 3 600, რადგან დაინფიცირების შემთხვევათა გაორმაგების ციკლი ათ დღეს აღწევს“ , - განაცხადა მინისტრმა.
მისი თქმით, ბოლო ხუთი დღის განმავლობაში ტემპი გაცილებით ნაკლებად იზრდება, ვიდრე მთლიანად, ბოლო ათდღიან პერიოდში.
ბოლო მონაცემებით, სომხეთში კორონავირუსით 10 ადამიანი გარდაიცვალა, დაინფიცირებულთა რაოდენობა დღეს 40 ადამიანით გაიზარდა და 921 შეადგინა. გამოჯანმრთელებულია 138 ადამიანი.